Бібліятэка

"Пакуль жывая бібліятэка – жывы народ, памрэ яна – памрэ нашае мінулае і будучыню."

Д. Ліхачоў

Для каго і навошта створана гэтая старонка?

Старонка «Бібліятэка» на сайце нашай школы - гэта не проста "даніна модзе", гэта неабходнасць, і без яе бібліятэцы ўжо складана далей існаваць. Яна створана для чытачоў школьнай бібліятэкі – навучэнцаў, педагогаў і бацькоў.

Чытачы нашай бібліятэкі востра адчуваюць недахоп часу. Яны не могуць гадзінамі праседжваць у чытальнай зале і працаваць з энцыклапедыямі, даведнікамі, слоўнікамі. Дзе ж яны знаходзяць інфармацыю, калі рыхтуюцца да ўрокаў? Вядома, у Інтэрнеце. Але каб чытачы не забыліся, што ў школьнай бібліятэцы ёсць вельмі шмат каштоўнага матэрыялу, карысных і цікавых кніг, часопісаў, для гэтага і была створана старонка "Бібліятэка".

Каб прывабіць чытачоў з Інтэрнэту ў бібліятэку, да яе рэсурсаў, мы пастараемся асвятляць фонд школьнай бібліятэкі з розных бакоў. Але гэта не адзіная мэта старонкі. Калі школьная бібліятэка ўвайшла ў віртуальнае асяроддзе, то мы будзем папаўняць свае інфармацыйныя рэсурсы за кошт усяго таго каштоўнага, што ў гэтым асяроддзі створана працамі многіх людзей.

Пападаючы на старонку «Бібліятэка», вы становіцеся яе госцем – гэта значыць, што вы зайшлі ў нашу бібліятэку нашай школы. Паспрабуем, каб вам тут было ўтульна, каб вы з карысцю правялі свой час.

Каляндарны план работы бібліятэкі ДУА «Сярэдняя школа №41 г. Гомеля» на І паўгоддзе 2024/2025 навучальнага года

План работы бібліятэкі ў шосты школьны дзень ІІ паўгоддзе 2023/2024 навучальнага года