Сёння трэба дакладна аналізаваць тое, што адбываецца на вуліцы, у інтэрнэце, а таксама ў розумах нашай моладзі.
Нажаль, у сілу несфармаванай жыццёвай пазіцыі непаўналетнія схільныя ўплыву іншых людзей, асабліва ў сацыяльных сетках. Бацькам важна тлумачыць свайму дзіцяці, што знаходзіцца на несанкцыянаваных мерапрыемствах нельга і што ў такіх учынкаў будуць дрэнныя наступствы.
За ўдзел у незаконных мітынгах прадугледжана адміністрацыйная адказнасць. У адпаведнасці з часткай 1 артыкула 23.34 КаАП (“Парушэнне парадку арганізацыі або правядзення масавых мерапрыемстваў”) у якасці пакарання прадугледжана папярэджанне, або накладанне штрафу ў памеры да 30 базавых велічынь, або адміністрацыйны арышт.
У іншых краінах нелегальныя акцыі таксама прыводзяць да пакарання іх арганізатараў і ўдзельнікаў. Да 10 гадоў турмы прадугледжана для тых, хто ўчыняе масавыя беспарадкі ў Вялікабрытаніі. У Канадзе закон забараняе праводзіць любыя масавыя сходы бліжэй чым за 50 метраў ад навучальных устаноў і прадугледжвае значныя штрафы для парушальнікаў. У ЗША несанкцыянаваныя мітынгі падпадаюць пад вызначэнне “публічныя беспарадкі”, якія ставяць пад пагрозу грамадскі спакой. У паліцыі ў такім выпадку ёсць права разганяць маніфестацыі і арыштоўваць актыўных удзельнікаў.
Падкрэсліваем, што на такіх акцыях няма гарантыі фізічнай і псіхалагічнай бяспекі дзіцяці, яно можа стаць ахвярай якіх-небудзь правакацый, гвалту. Таму асобна звяртаемся да дарослых, якія наўмысна прыводзяць дзяцей на несанкцыянаваны мітынг. Гэта парушэнне як унутранага, так і міжнароднага заканадаўства, якое рэгулюе правы дзяцей. У Канвенцыі аб правах дзіцяці замацавана адказнасць бацькоў за выхаванне і развіццё дзіцяці.
Згодна з артыкулам 67 Кодэкса Рэспублікі Беларусь аб шлюбе і сям'і бацькі таксама нясуць адказнасць за неналежнае выхаванне дзяцей. Яно прызнаецца такім, у тым ліку, калі дзіця знаходзіцца ў абстаноўцы, пры якой для яго не забяспечваецца бяспека або з-за адсутнасці нагляду за яго паводзінамі і ладам жыцця, або калі яно ўчыняе адміністрацыйнае правапарушэнне або злачынства.
Звяртаем увагу, што з-за ўдзелу ў незаконных мерапрыемствах некаторыя непаўналетнія не наведваюць навучальныя заняткі, у тым ліку і таму, што ў гэты час могуць знаходзіцца ў ІЧУ. Установа адукацыі можа разгледзець гэта як адсутнасць на занятках без уважлівай прычыны і ў выпадку шматлікіх пропускаў – адлічыць навучэнца.
Сёння кожны з бацькоў павінен ведаць, чым жыве яго дзіця, асабліва на прасторах інтэрнэту, у сацыяльных сетках. Больш гутарыць з ім, каб разумець, з кім ён мае зносіны і чым цікавіцца ў сетцы.
Бацькі, ваш клопат і адказныя адносіны да выхавання дзіцяці дапамогуць зберагчы яго ад неабдуманых учынкаў!
Галоўнае ўпраўленне адукацыі
Гомельскага аблвыканкама
