РЫСЯНЯ АГЕНЬЧЫК - ТАЛІСМАН БЕЛАРУСКАЙ РЭСПУБЛІКАНСКАЙ ПІЯНЕРСКАЙ АРГАНІЗАЦЫІ
 |
Талісман быў абраны па выніках Рэспубліканскага конкурсу на распрацоўку піянерскага талісмана і слогана піянерскай арганізацыі «proБРПО – перезагрузка», які праводзіўся ў 2018-2019 навучальных гадах. Піянерская арганізацыя атрымала больш за 1000 малюнкаў. На рэспубліканскі этап конкурсу было прадстаўлена 20 работ. Экспертнае журы адабрала пераможцу конкурсу, якім стала Жалезнякова Вікторыя, вучаніца ДУА «Сярэдняя школа № 25 г.Гомеля ім. Б.А.Царыкава», Гомельскай абласной піянерскай арганізацыі. Прафесійныя дызайнеры дапрацавалі і адшліфавалі выяву Агеньчыка. Прэзентацыя талісмана піянерскай арганізацыі адбылася 18 траўня 2019 года ў Нацыянальнай бібліятэцы Рэспублікі Беларусь. |
