Будзьце ў курсе!
Электронная чарга для падачы дакументаў абітурыентаў ва ўстановы вышэйшай адукацыі пачне працаваць з гэтага года.
З 2025 г. удзельнікі ЦЭ і ЦТ 2024—2025 гг., зайшоўшы ў асабісты кабінет на сайце Рэспубліканскага інстытута кантролю ведаў, змогуць забраніраваць дату і час наведвання прыёмных камісій ВНУ для падачы дакументаў з дапамогай электроннай чаргі. Ужо ў лютым — сакавіку ўдзельнікі рэпетыцыйнага цэнтралізаванага іспыту змогуць азнаёміцца з працай гэтай сістэмы ў пілотным рэжыме, а ў поўным аб'ёме гэта сістэма пачне працаваць за некалькі дзён да пачатку прыёму дакументаў у ВНУ. Пры гэтым скарыстаць яе змогуць усе ўдзельнікі ЦЭ і ЦТ як гэтага, так і мінулага года.
Моладзь у кругласутачным рэжыме атрымае магчымасць выбраць любыя тры ВНУ, факультэты і спецыяльнасці.
Усе абітурыенты змогуць, як і раней, падаваць дакументы ва ўніверсітэты ў парадку жывой чаргі.
